Është mbyllur në orën 19:00 procesi i votimit në zgjedhjet me një kandidat për kreun e PD-së, ku Sali Berisha po rikonfirmohet në krye të selisë blu, raporton A2CNN.
Kujtojmë që procesi ishte parashikuar të mbyllej zyrtarisht në orën 18:00, por u vendos që votimi të shtyhej me një orë.
Procesi nisi në orën 08:00 të mëngjesit, me hapjen e 87 qendrave në të gjitha degët e Partisë Demokratike në rang vendi.
Në garë është vetëm kryedemokrati Sali Berisha, i cili e ka cilësuar procesin e 23 majit si një “referendum” për drejtimin e partisë.
Në disa nga degët e PD-së është mbyllur procesi i numërimit, ndërkohë që vijon në degët më të mëdha si Tirana, Durrësi, Vlora.
REZULTATET
Durrësi
Në total në qytetin bregdetar janë numëruar 892 vota pro, 29 kundër dhe 10 abstenim.
Gjirokastër
Kanë rezultuar 270 vota pro, 11 kundër, 5 abstenim dhe 5 të pavlefshme.
Korçë
Nga 4721 anëtarë me të drejtë vote kanë votuar 435 anëtarë. Nga këto, 392 kanë votuar PRO Sali Berishës, 18 kundër dhe 7 prej tyre kanë abstenuar. 18 vota kanë dalë të pavlefshme.
Dega Devoll
Nga 695 votues, votuan pro 648, 29 kundër, 15 abstenuan, ndërsa 3 vota u shpallën të pavlefshme.
Pustec
Në kutinë e Pustecit nga 66 anëtarë me të drejtë vote kanë votuar 15, 14 prej të cilëve pro dhe 1 Kundër
Gramsh
Kanë votuar 248 persona, 215 pro dhe 22 kundër, 3 abstenim.
Shijak
Përfundon numërimi me 320 votues, nga të cilët janë 303 pro, 16 kundër dhe 1 abstenim.
(A2 Televizion)
A2 CNN Livestream
MUND TE LEXONI GJITHASHTU
