“Raportin e Shqipërisë me BE-në po e rrëzon ai që është në pushtet dhe ky është problemi këtu”.
Kështu u shpreh Gentian Gaba, ekspert i marrëdhënieve ndërkombëtare, në studion e “Off the Record” nga Andrea Danglli, në A2CNN.
“Para se të flasim për UÇK-në nuk vendosim gishtin në plagë, dhe plaga është korrupsioni, atëherë jemi duke humbur kohën, edhe të qytetarëve, sepse shfokusojmë debatin. Debati në vendin tonë është varfërimi i shqiptarëve dhe shpopullimi i vendit. Sot, McAllister dhe Gonzato ishin shumë në siklet në konferencën për shtyp, për shkak të trajtimit nga Rama të disa çështjeve, duke e vendosur vendin në përplasje institucionale dhe ata e kanë të limituar shpjegimin që mund t’i japin shqiptarëve, por në takimin me Ramën kanë folur qartë. Në kapitujt e integrimit, themeloret janë ato që kanë të bëjnë me shtetin e së drejtës”, tha Gaba.
Ndërkohë, sipas tij, “shkuarja e Gahler në PD është sinjal pozitiv”.
“Por, problem nuk është aty. Nëse zoti Rama para integrimit vendos interesin e vet, atëherë ne jemi duke folur kot për integrim dhe luftë ndaj korrupsionit”, u shpreh Gaba.
(A2 Televizion)
A2 CNN Livestream
MUND TE LEXONI GJITHASHTU
