Edhe të rinjtë po preken nga tuberkulozi. Mënyra e jetesës dhe e sjelljes së tyre po bëhet shkak për përhapjen e kësaj sëmundje në moshat e reja. Vetëm vitin e fundit rezultuan të sëmurë me tuberkuloz 232 persona.
Mjekët thonë me shqetësim se në Shqipëri tuberkulozi po mbizotëron në moshat e reja edhe tek të dënuarit në burgje. Mjekët pneumologë flasin për shenjat e sëmundjes që fillimisht mund të ngatërrohet me gripin apo pasojat e tij.
Tuberkulozi është një sëmundje ngjitëse që transmetohet përmes rrugëve të frymëmarrjes. Vaksina që kryhet në ditën e parë të jetës nuk na bën imun ndaj infektimit, por mbron nga format e rënda të sëmundjes.
Për këtë arsye vdekjet nga tuberkulozi në Shqipëri janë në nivele shumë të ulëta. Aktualisht Tirana mban vendin e parë për rastet më të shtuara me tuberkuloz, ndjekur nga Shkodra dhe Dibra. (A2 Televizion)
A2 CNN Livestream
MUND TE LEXONI GJITHASHTU
