Një paraqitje e shkëlqyer nga Denzel Dumfries i dha Interit një fitore 2-0 ndaj Atalantës në gjysmëfinalen e Superkupës së Italisë, duke siguruar biletën për finalen e së hënës. Ndeshja u zhvillua në stadiumin King Saud University në Arabinë Saudite, në një atmosferë larg San Siros së zjarrtë.
Inter nisi fuqishëm që në minutën e parë, me Lautaro Martínez që shpërdoroi tri raste. Megjithatë, portieri i Atalantës, Marco Carnesecchi, ishte i papërmbajtshëm, duke ndaluar disa përpjekje të argjentinasit dhe një goditje të rrezikshme nga Henrikh Mkhitaryan.
Shansi më i mirë i pjesës së parë për Atalantën erdhi nga Giorgio Scalvini, i cili nuk arriti të mposhtte Yann Sommer nga afër.
Në pjesën e dytë, Inter mori avantazhin falë një goli spektakolar të Dumfries, që realizoi me roveshatë pas një asisti të Yann Bisseck. Më pas, holandezi shtoi edhe një tjetër gol me një goditje të fuqishme, duke e vulosur fitoren. Përpjekjet e Atalantës për të reaguar nuk u konkretizuan, pasi goli i Éderson u anulua për pozicion jashtë loje.
Në pjesën e dytë u aktivizuan edhe kapiteni i Shqipërisë Berat Gjimshiti, për bergamaskët, si dhe Kristjam Asllani për Interin.
Inter, tani në finale, synon të fitojë për të katërtën herë radhazi trofeun dhe të barazojë rekordin e Juventusit me nëntë tituj.
(A2 Televizion)
A2 CNN Livestream
MUND TE LEXONI GJITHASHTU
