Zipline-t janë përvoja të ngjashme me fluturimin që mund t'i dhurojmë vetes pa krahë. Të vësh një parzmore sigurie, të varesh nga një kabllo çeliku dhe të nisesh në male, pyje, ujëvara, duke u zhytur në një skenar që vetëm shqiponjat mund ta admirojnë.
Adrenalina rritet sapo largohesh, sepse nuk mund të kthehesh më pas. Kështu zbret me shpejtësi të plotë në stacionin e mbërritjes, ku ndonjëherë pak i frikësuar dhe me rrahje zemre te forta, por sigurisht entuziast dhe i lumtur për një përvojë që nuk ka të dytë. TgCom ka përzgjedhur zipline-t më të çmendura anembanë botës. (A2 Televizion)
Jais Flight, Ras Al Khaimah, Emiratet e Bashkuara Arabe – Të varurit nga një kabllo çeliku 2,83 km të gjatë, të fluturosh me Jais Flight do të thotë të udhëtosh në linjën më të gjatë zipline në botë. Zbrisni mes kreshtave të thepisura malore me shpejtësinë e çmendur prej 150 kilometrash në orë, për tre minuta adrenalinë të pastër mes peizazheve të egra dhe të pandotura. Mistrider, Ujëvara e Niagarës, Kanada – Adrenalinë në një nga vendet më emocionuese në botë. Zipline fantastike që rrethon Ujëvarat e Niagarës ka pasur sukses. E inauguruar në vitin 2012 në anën kanadeze të ujëvarave, ju lejon të fluturoni si zog mbi këtë mrekulli të natyrës. Vishuni me pajisjet e sigurisë dhe shkoni përgjatë 670 metrave të rrugës me një shpejtësi që mund të arrijë 70 kilometra në orë, nga një pikënisje e vendosur në një lartësi më të madhe se ajo e ujëvarave deri në mbërritje, përballë ujëvarës.Dragon's Breath, Labadee, Haiti - Një fluturim emocionues, që nis nga një platformë e vendosur në një lartësi prej rreth 150 metrash. Me një fluturim 750 metra përgjatë zipline më të gjatë mbi det në botë. Ju fluturoni me një shpejtësi prej rreth 80 km/h dhe zbarkoni në një liman shkëmbor të quajtur Shkëmbi i Frymës së Dragoit. Fluturimi i Engjëllit, Pietrapertosa-Castelmezzano, Basilicata – Mund të fluturoni vetëm ose në çifte, për të ndarë një emocion unik. Nisja është në Pietrapertosa dhe mbërrini në Castelmezzano, që ndodhet në malin përballë, në një lartësi pak më të ulët, pasi keni fluturuar mbi Dolomitet Lucanian, në zemër të Basilicata. Kablloja e çelikut e varur midis majave ju lejon të admironi një peizazh unik, të zbuloni shpirtin e vërtetë të një territori ndjellës.Ecozip adventures, Auckland, Zelanda e Re - Ndodhet brenda një parku aventuresk në një zonë të pandotur me bukuri të madhe, ku janë të disponueshme tre linja të ndryshme zip, secila prej të cilave ka mbi 200 metra gjatësi. Njëra prej tyre ka veçorinë e ofrimit të dy kabllove paralele falë të cilave është e mundur të fluturosh krah për krah me një partner me të cilin mund të ndash përvojën.ZIpline në bregun Amalfi, Furore - Pika e nisjes ndodhet në Furore, fshati i Bregut Amalfi. Pas rreth një minutë e gjysmë fluturimi zbarkoni në Conca dei Marini, pasi keni admiruar të gjithë gjirin e Salernos, deri në pirgjet e Kaprit. Nëse jeni dy në fluturim duhe ttë keni në një peshë totale prej 120 kg, përndryshe mund të fluturoni vetëm ose në zipline paralele. Stowe Zipline, Vermont, Shtetet e Bashkuara - Vermonti me pyjet e tij të pacenuara, në vjeshtë ngjyroset me nuanca magjepsëse. Ky është momenti ideal për të fluturuar mbi to, duke u lidhur në një linjë zipline mbi 1350 metra të gjatë, për një eksperiencë vërtet të veçantë, me një pamje të mrekullueshme nga malet përreth. Qyteti i Stowe është shumë i popullarizuar nga skiatorët gjatë dimrit. First Flyer, Grindelwald, Zvicër - Një zipline në të cilën mund të fluturoni edhe në dëborë, në një peizazh veçanërisht sugjestionues, të mbërthyer dhe të varur nga telat e çelikut të First Flyer ose First Glider, duke arritur shpejtësinë e jashtëzakonshme prej 80 km në orë. Parzmoret janë të pajisura me një ndenjëse që e bën zbritjen më të qëndrueshme dhe të rehatshme. 7 Line Treetop Zip Tour, Hawaii – Fluturoni nëpër pemë në Luginën Kahakapao, midis shtatë linjave të ndryshme Zip. Ndodhet brenda një ferme që organizon një turne të vërtetë "fluturues", në të cilin fluturojnë për gati gjysmë kilometri nëpër luginën e kodrës Pi'iholo midis panoramave të mrekullueshme të ishullit. Zipline Sauris, Sauris, Friuli-Venezia Giulia - Adrenalinë e pastër për 2.5 km, mes peizazheve sugjestive dhe shpejtësisë së madhe. Fluturimi është më i gjati në Evropë. Ai fillon në pyjet e Monte Ruke dhe pas dy seksioneve pezullimi mbi pyjet e bredhit shekullor, fluturon mbi liqenin Sauris, duke qëndruar pezull mbi ujërat e tij bruz për më shumë se një mijë metra.
