Një histori vërtetë e veçantë vjen nga Australia. Në kontinentin që mban brenda vetes specie të rralla kafshësh, që nuk gjenden në asnjë vend tjetër të botës, si koala dhe kangurët, jeton prej rreth 3 mijë vjetësh edhe një lloj qeni karakteristik, i quajtur dingo.
Në vitet ‘60, numri i tyre ishte aq i madh dhe kërcënues për bagëtinë, saqë autoritetet vendosën të fillojnë një fushatë për të ulur numrin e tyre në disa zona specifike. Një nga metodat ishte helmimi me një lloj pesticidi, i quajtur 1080, i cili shpërndahej në ajër me helikopterë.
Por efektet nuk ishin tërësisht ato që prisnin ideatorët e planit. Ndërkohë që për momentin numri i qenve u ul ndjeshëm, me kalimin e kohës shifrat filluan të rriteshin ndjeshëm, por me një ndryshim interesant. Dingot ishin tashmë më të mëdhenj.
Dingo është një lloj qeni i egër që prej 3 mijë vjetësh jeton në Australi 
Qeni u shumua aq shumë sa në vitet '60 filloi një fushatë për t'i reduktuar në numër 
Zona të tëra spërkaten me pesticidë të tipit 1080 
Studimet tregojnë se dimensionet e dingove janë rritur nga fillimi i spërkatjeve 
DIngot nuk kishin konkurrencë dhe ushqeheshin më mire 
Ndërkohë, ekzemplarët më të vegjël helmoheshin më shpesh nga pesticidët 
Këlyshët e dingos
Një studim i sotëm në bashkëpunim i disa universiteteve australiane ka treguar se dimensionet e dingove efektivisht është rritur, mesatarisht me 6 % për meshkujt, dhe deri në 9% për ekzemplarët femra.
Arsyeja? Padyshim indirekte. Pesticidi vriste më shumë ekzemplarët e vegjël, sepse duhej një sasi më të kufizuar për të qenë vdekjeprurës.
Ndërkohë, dingot e mbetur kishin më pak konkurrencë, dhe mund të hanin më shumë, duke u zhvilluar kështu në dimensionet e sotme.
Synimi shfarues, në rastin australian, dingove 3 mijë vjeçar i ka bërë vetëm një...nder. (A2 Televizion)
A2 CNN Livestream
MUND TE LEXONI GJITHASHTU
