Ndeshja e mbrëmjes së djeshme mes Leicester dhe Legias së Varshavës, e vlefshme për fazën e grupeve të Europa League, ka treguar dhe një herë tjetër se sa problematikë janë tifozët anglezë dhe ata polakë.
Në pjesën e dytë, kur rezultati ishte 3-1 për vendasit e Leicester, tifozët e të dyja ekipeve nisën të përleshen me njëri-tjetrin dhe policinë, duke shfaqur skena të turpshme.
Përgjatë 10 minutave, forcat e rendit luftuan me tifozët, derisa u vendos sërish qetësia.
Tashmë, klubet presin dënimet përkatëse nga UEFA.
Kjo nuk është hera e parë që tifozët polakë shfaqin sjellje agresive nëpër transferta. Edhe në ndeshjen Shqipëri-Poloni pati incidente, me Federatën Shqiptare të Futbollit që reagoi duke thënë se “ngjarjet janë pasojë e një provokimi të vazhdueshëm, dhe një sjelljeje shumë agresive nga ana e tifozëve polakë që kanë goditur për gati 2 orë tifozët tanë në dy tribuna”.
Nuk mbeten pas tifozët anglezë, të cilët në finalen e Evropianit që u luajt në Wembley, i treguan botës skena të turpshme si brenda, ashtu edhe në rrethinat e stadiumit, para, gjatë dhe pas ndeshjes. (A2 Televizion)
A2 CNN Livestream
MUND TE LEXONI GJITHASHTU
