Tirana mundi 2-0 Vllazninë në “Loro Boriçi”, në një sfidë që u vendos nga gafa e mbrojtësit Gurishta dhe u mbyll me një spektakël të shëmtuar të tifozërisë shkodrane.
Grent Halili, në minutën e 57, zhbllokoi rezultatin e sfidës. Një krosim pa pretendime në zonë i bardhebluve shkoi në këmbët e Gurishtës, por mbrojtësi shkodran gaboi rëndë duke mos larguar topin. Ngurrimin e kundërshtarit e shfrytëzoi sulmuesi i Tiranës, i cili, i vetëm përballë Sherrit, kaloi bardheblutë në avantazh.
Dy minuta më vonë, Cale çoi një tjetër krosim drejt zonës, këtë herë për Ngoo, që u harrua sërish nga Gurishta dhe nga vetëm 5 metra distancë çoi topin në rrjetë për herë të dytë.
Minutat e fundit, tifozëria e zhgënjyer shkodrane, hodhi shishe të shumta në drejtim të fushës, duke bërë që takimi të ndërpritej për disa minuta, në pritje të vendosjes së normalitetit. Minutat e mbetura nuk ndryshuan rezultatin.
Ndërkohë, në Durrës, Teuta arriti të fitojë me rezultatin 3-1 përballë Luftëtarit. (A2 Televizion)
A2 CNN Livestream
MUND TE LEXONI GJITHASHTU
