Gjysma e popullsisë së botës, 4.2 miliardë njerëz, jetojnë pa shërbime higjienike. 40%, rreth tre miliardë njerëz, nuk kanë as një lavaman në shtëpinë e tyre për të larë duart me ujë dhe sapun. Alarmi vjen nga Organizata e Kombeve të Bashkuara, sipas së cilës 297,000 fëmijë nën 5 vjeç vdesin nga diarreja çdo vit për shkak të pirjes së ujit të ndotur, duke jetuar në vende ku nuk ka higjienë. Por kjo nuk është e gjitha, pasi sipas OKB-së 80% e ujërave të ndotura në të gjithë botën kthehen në ekosistem pa u trajtuar ose ripërdorur.
Vlerësimet e Kombeve të Bashkuara paralajmërojnë se deri në vitin 2050, deri në 5.7 miliardë njerëz mund të jetojnë në zona ku uji është i pakët, të paktën një muaj në vit. Për këtë arsye, veçanërisht në kohë pandemike, Dita Botërore e Tualetit 2020, dita botërore e festuar nga Kombet e Bashkuara ka një kuptim të veçantë dhe dëshiron të kujtojë se ka shumë pak kohë për të arritur qëllimin e zhvillimit të qëndrueshëm, i cili siguron ujë dhe shërbime higjienike për të gjithë deri në vitin 2030.
Tema e këtij viti për Ditën Botërore është higjiena e qëndrueshme dhe ndryshimi i klimës. (A2 Televizion)
A2 CNN Livestream
MUND TE LEXONI GJITHASHTU
