Sali Berisha ka bërë përgjegjës kryeministrin Edi Rama dhe ministrin e Brendshëm, Bledi Çuçi, për vendosjen e tritolit në automjetin e kryetarit të Partisë Demokratike të Vaut te Dejës, Benard Ndreca.
Me këtë akt terrorist, Rama inauguron çeljen e fushatës së tij elektorale. Kjo përbën një krim të shëmtuar. Një akt të pashembullt në historinë e zgjedhjeve. Një drejtues kryesor i një dege të PD-së, sulmohet, apo ndaj tij organizohet një atentat për likuidimin e tij.
Vau i Dejës dhe mbarë Shqipëria janë sot më të vendosur se kurrë në fitoren e këtyre zgjedhjeve. Unë, kam biseduar në telefon me Benardin, me Hilën dhe u shpreha atyre mbështetjen dhe solidaritetin tim të plotë.
Sali Berisha në konferencën për shtyp
Ndërsa ngjarjen e cilësoi si një akt të rëndë terrorist, Berisha shtoi se synimi ka qenë eliminimi fizik i tij.
Ish-kryeministri vijoi me akuzat ndaj qeverisë duke u shprehur se specialistët e tritolit janë të gjithë nën kontrollin qeveritar shtetëror.
“Pasi dështuan me të gjitha mënyrat në Vaun e Dejës, së fundmi zgjodhën atë më ekstremen, por edhe me këtë dështuan. Duke dënuar edhe njëherë me ashpërsinë më të madhe këtë akt të narkoshtetit, bëj përgjegjës direkt Edi Ramën dhe ministrin e familjes, Çuçi, pasi policia e Vaut të Dejës dhe shefi i komisariatit sillen si një seksion i PS-së. Me sjelljet e tyre militanteske, të gjitha pistat dhe dyshimet shkojnë se ata janë dorës dhe organizatorë të këtij akti.” (A2 Televizion)
A2 CNN Livestream
MUND TE LEXONI GJITHASHTU
