Qentë janë bërë një anëtar thelbësor gjithnjë e më shumë i familjeve. Prandaj, ne imponojmë zakone njerëzore në jetën e tyre, nga veshja e rrobave deri te dhënia e ushqimit që hamë vetë, si çokollata apo frutat.
Megjithatë, tek ushqimi duhet të jeni të kujdesshëm. Shumë nga produktet mund të jenë të dëmshme për organet e kafshëve shtëpiake.
Në fotogalerinë e mësipërme ju tregojmë disa nga ushqimet që nuk duhet t’u japim qenve. (A2 Televizion)
Çokollatë dhe kafeinë - Ushqimet që përmbajnë ndonjë nga këto produkte mund të jenë shumë të dëmshme për qentë. Ato irritojnë stomakun dhe mund të shkaktojnë dhimbje, diarre ose të vjella. Por, nëse konsumi i çokollatës dhe kafeinës ndodh në mënyrë të përsëritur, në afatgjatë mund të përfundojë me probleme me zemrën.Produktet e qumështit - Qumështi është një nga ushqimet që stomaku i qenit e toleron më pak. Megjithatë, produktet që rrjedhin nga qumështi, si djathi dhe kosi, mund t'i konsumojnë, por gjithmonë në doza të vogla.Ëmbëlsirat - Ushqimet që përmbajnë produkte me origjinë artificiale, si bojërat ose sheqeri, duhen lënë jashtë dietës së kafshëve tona. E njëjta gjë ndodh me produktet që shfaqen të kataloguara si “pa sheqer”. Sepse për të ëmbëlsuar ushqimin në fjalë, përdoret ksilitoli, një substancë që “mund të ketë efekte shkatërruese te qeni juaj”, theksojnë specialistët nga Administrata e Ushqimit dhe Barnave (FDA).Kajsi dhe pjeshkë - Rreziku i këtyre frutave qëndron kryesisht në bërthamën e tyre. Përtej madhësisë, bërthamat përmbajnë edhe cianid.Bërthamat e frutave - Bërthamat e disa frutave mund të jenë të rrezikshme për shëndetin e qenve. Ky është rasti i bërthamës së qershisë, që mund të jetë helmuese. Prandaj, është gjithmonë më mirë të hiqni çdo bërthamë përpara se t'i jepni një frut qenit tuaj.Alkooli - Edhe pse nuk është një ushqim në vetvete, alkooli është shumë i dëmshëm për qentë. Substancat që përmbajnë alkool mund të shkaktojnë vdekjen.Rrushi - Është një frut i ndaluar për qentë. Kjo për shkak të një substance që është toksike në organizmin e qenit, që shkakton një ndryshim metabolik që çon në siklet në zorrë, që mund të shkaktojë të vjella dhe diarre. Dhe më pas përfundon duke dëmtuar veshkat. Sigurisht, e njëjta gjë ndodh edhe nëse qeni ha rrush të thatë.Agrumet - Limonët, portokallet apo mandarinat nuk rekomandohen për konsum sepse acidi në këto fruta mund të dëmtojë stomakun e qenit.Hudhra - Hudhra përmban tiosulfat, ashtu si edhe qepa. Dhe, duke qenë se organizmit të qenit i mungon enzima e nevojshme për ta tretur atë, nuk toleron asnjë nga këto ushqime. Konsumimi i tyre mund të shkaktojë takikardi dhe të fikët tek qentë.
