Ndonëse ende larg ritmeve të dëshiruara, ecuria e vaksinimit kundër Covid-19 në 9 ditët e para të muajit gusht ka qenë pozitive. Të dhënat nga Ministria e Shëndetësisë tregojnë se në pjesën e parë të muajit të hapur janë kryer 69,056doza vaksinë, shifër kjo më e lartë se në të njëjtin hark kohor të korrikut e qershorit. Nga ana tjetër, temperaturat e larta dhe pushimet verore kanë bërë që shifrat ditore të vaksinimeve të luhaten duke u ulur ditët e fundit.
Teksa në nisje të procesit, të moshuarit ishin më të interesuarit për t’u vaksinuar, trendi ka ndryshuar ditët e fundit.
Ndërkohë që në qendrën e vaksinimit në sheshin “nënë Tereza” mund të zgjidhet mes AstraZeneca dhe Coronavax, qytetarët thonë se nëse do të mundeshin do merrnin vaksinës e Pfizer.
Deri më tani,44,53 për qind e popullatës rezidente ka marrë së paku një dozë, ndërsa 19,56 për qind janë vaksinuar plotësisht. (A2 Televizion)
A2 CNN Livestream
MUND TE LEXONI GJITHASHTU
