Një vit jo i thjeshtë për mbretëreshën Elisabeth II e Anglisë. Kriza politike, mundësia për Brexit, Skocia që kërkon referendum për pavarësi, bashkëshorti i një jete, Philip, që shtrohet sërish në spital.
Por mbretëresha që drejton nga viti 1952 Britaninë e Madhe si dhe formalisht pjesën më të madhe të vendeve që përbenin dikur perandorinë angleze, gjen ende mënyrë të kënaqet me lojërat fëminore të stërnipit të saj, princi 6-vjeçar George.
Në këtë rast, përgatitjet e pjatës tradicionale angleze, pudingu, që ka një recetë të veçantë gjatë Krishtlindjeve.
Mbretëresha shoqërohej në pamjet e shpërndara edhe nga djali i saj Charles dhe nipi William, dhe kjo gjë sipas analistëve të familjes mbretërore nuk është aspak një rastësi.
Në fakt, të katër pjesëtarët Windsor në foto kanë diçka të përbashkët, përtej gjakut. Ata kanë qenë, janë ose do të jenë dikur mbretër, dhe kjo shihet si një sinjal edhe politik i Elisabeth, për të dëshmuar që familja mbretërore e ka jetën e gjatë dhe do të jetë protagoniste edhe në dekadat e ardhshme. (A2 Televizion)
A2 CNN Livestream
MUND TE LEXONI GJITHASHTU
