Sukses i jashtëzakonshëm për kombëtaren shqiptare të nën 20-vjeçarëve në volejboll, që arriti të mundë Greqinë në Kampionatin Ballkanik që po zhvillohet në kryeqytet.
Skuadra e drejtuar nga trajneri Arben Sako triumfoi pastër 3-0 me sete përballë kombëtares helene, në një ndeshje tepër të luftuar dhe ku u nevojitën pikët shtesë për të përcaktuar fituesin.
Kjo është fitorja e dytë në këtë kompeticion për Shqipërinë që më herët ka mundur edhe Kosovën, ndërsa sot do të luajë takimin e fundit në grupe, përballë Maqedonisë së Veriut.
Në takimin ndaj Greqisë, kuqezinjtë e vegjël patën edhe mbështetjen e tifozëve kuqezi, të cilët përkrahën skuadrën dhe festuan në fund në sallën sportive “Feti Borova”. (A2 Televizion)
A2 CNN Livestream
MUND TE LEXONI GJITHASHTU
