Parandalimi dhe zbulimi i hershëm janë thelbësore në luftën kundër kancerit. Ndaj, përballë çdo simptome që duket jonormale ose na shqetëson, duhet të shkojmë te një specialist për vizitë. Njohja e simptomave të mundshme të kancerit është thelbësore për të shkuar te mjeku për një kontroll.
Duhet theksuar se nuk duhet të frikësoni sepse disa nga ato që do të përmendim në këtë artikull janë gjëra që i kalojmë zakonisht, por përbëjnë shqetësim kur parandalojnë jetën normale.
All - Paragraf - 3
Kanceri ka simptoma fillestare të cilat shumë prej nesh nuk i dimë. Prandaj, është e rëndësishme t'i njohim ato. Edhe pse të flasësh për kancerin mund të shkaktojë pak frikë, të jesh i mirëinformuar mbi këtë temë është thelbësore.
Në fotogalerinë e mësipërme ju tregojmë simptomat e zakonshme. (A2 Televizion)
Humbje peshe - Një nga simptomat e mundshme të kancerit është humbja e papritur e peshës, pa ndonjë arsye dhe pa bërë ndryshime në dietë apo ushtrime fizike.Kollë e shpeshtë - Kollitja e shpeshtë nuk mund të jetë vetëm produkt i një alergjie ose ndryshimi i temperaturës. Mund të shkaktohet edhe nga sëmundje më të rënda, si kanceri. Nëse ftoheni vazhdimisht, edhe nëse nuk pini duhan, duhet të shkoni te mjeku. Kanceri i mushkërive, fytit ose laringut mund të jetë në zhvillim e sipër. Gjithashtu, kushtojini vëmendje dhimbjes së gjoksit dhe simptomave të ngjashme me bronkitin e rëndë (shqetësimi shtrihet në shpatulla ose nën krahë).Temperaturë e shpeshtë - Leuçemia është një lloj kanceri që zhvillohet në palcën e eshtrave dhe sulmon qelizat e gjakut. Prodhohen qeliza të bardha jonormale dhe kjo ndikon në aftësinë e trupit për të parandaluar ose luftuar infeksionin.Dhimbje kyçesh - Është e vërtetë që nyjet mund të dhembin për shkak të lëvizjeve të papritura ose qëndrimit të keq, por mund të jetë gjithashtu një shenjë e diçkaje më serioze, si kanceri i kockave. Nëse dhimbja e kyçeve nuk largohet, mund të jetë koha për t’u vizituar.Mavijosjet që nuk shërohen - Nëse godasim diçka ose rrëzohemi, është normale të kemi mavijosje ose të nxira. Problemi qëndron kur ka një proces shumë të ngadaltë shërimi (ose kur ndryshojnë ngjyrën derisa të zhduken).Ndryshime të lëkurës - Sipas ekspertëve nga Shoqata Amerikane e Kancerit, ka ndryshime të lëkurës që mund të jenë shenjë e disa llojeve të kancerit (jo vetëm të lëkurës): kruarjet, errësim i ngjyrës së lëkurës, zverdhja e lëkurës dhe e syve dhe shtim i qimeve në fytyrë.Ndryshimet në aparatin gjenital mashkullor - Nëse vëreni inflamacion ose dhimbje (përveç ndryshimeve të tjera) në testikuj, është e nevojshme të shkoni te mjeku. Kanceri i testikujve është një nga më të shpejtët në avancim. Përveç kësaj, problemet me urinimin nuk duhen nënvlerësuar: nevoja për të shkuar në tualet herë pas here, vështirësi në fillimin e urinimit ose një sasi e vogël e urinës. Kjo mund të jetë një simptomë e kancerit të prostatës, një sëmundje që shfaqet kryesisht te meshkujt mbi 50 vjeç.Fryrje barku - 10% e popullsisë vuan rregullisht nga ënjtja, veçanërisht gratë. Kjo sëmundje e zakonshme lidhet me sindromën premenstruale ose grumbullimin e gazit. Por, nëse ënjtja vazhdon për më shumë se dy javë (dhe shtatzënia përjashtohet) dhe shoqërohet me humbje peshe ose gjakderdhje, kjo mund të jetë një nga simptomat e kancerit. Prandaj këshillohet që të konsultoheni me mjekun për të kuptuar nëse bëhet fjalë për kancer në vezore.Gjakderdhje midis periodave - Gjatë ciklit menstrual, një grua mund të përjetojë gjakderdhje edhe kur nuk ka menstruacione. Megjithatë, kur kjo ndodh shumë shpesh dhe disa herë në të njëjtin muaj, mund të jetë për shkak të një problemi hormonal, stresit, inflamacionit të qafës së mitrës.Ndryshimet në gjoks - Femrat mund të kontrollojnë gjoksin kur bëjnë banjë ose para pasqyrës. Duhen analizuar shfaqja e gungave (të cilat mund të shtrihen deri në sqetull), ndryshimet e lëkurës ose dhimbjet jashtë periudhës menstruale.
