Arbër Hajdari ka reaguar pas përmendjes së emrit të tij nga Erion Veliaj në letrën e publikuar nga burgu, ku kryebashkiaku pretendon se kryeministri Edi Rama i ka kërkuar të delegojë kompetencat e tij te Hajdari.
Në reagimin e tij në rrjetet sociale, Hajdari mohon çdo lidhje me këtë histori, duke shprehur habinë për përfshirjen e emrit të tij në pretendimet e kryebashkiakut.
Ai e cilëson këtë si pjesë të “fantazive” të kryebashkiakut, ndërsa thekson se nuk është i papunë dhe as ëndërron të punësohet nga Veliaj.
“Më mbytën mesazhet për thashethemet e Erion Veliajt. Jam pa fjalë dhe nuk e kuptoj pse paskam rënë unë këtë herë në çorbën e fantazive të zotërisë! Unë nuk kam lidhje me këtë histori penale-politike dhe as jam i papunë, as kam ëndërruar ndonjëherë të më punësojë, larg qoftë, Lali Eri! Fundjava ime mbetet gjithnjë ndryshe, mes njerëzve në nevojë. E gjithë java e politikës po njësoj, mes llafeve të kota. Pa merak miq, unë jam Arbëri i fundjavës”. (A2 Televizion)
A2 CNN Livestream
MUND TE LEXONI GJITHASHTU
