100 mijë njerëz në shesh, izraelitët nuk pranojnë reformën “Netanyahu”

Nuk kanë të ndaluar protesta në Izrael, kundër reformës së shumëkritikuar në drejtësi të propozuar nga kryeministri Netanyahu.

Më shumë se 100 mijë njerëz dolën në sheshet e Tel Avivit për të 22-ën javë radhazi, me thirrjen se nuk kanë për ta pranuar asnjëherë këtë reformë.

Sipas protestuesve, kjo reformë rrezikon karakterin demokratik të Izraelit dhe është një kërcënim real edhe për ekonominë e vendit.

Synimi i reformës është që t’i japë qeverisë një ndikim vendimtar mbi zgjedhjen e gjyqtarëve dhe të kufizojnë aftësinë e Gjykatës së Lartë për të vendosur kundër ekzekutivit ose për të rrëzuar legjislacionin.

Organizata e Kombeve të Bashkuara i ka kërkuar qeverisë izraelite të pezullojë reformën e shpallur në drejtësi, pasi ajo mund të dobësojë në mënyrë drastike të drejtat e njeriut në vend.

Komisioneri i Lartë i Kombeve të Bashkuara për të Drejtat e Njeriut, Volker Turk, beson se ndryshimet do të dobësojnë pavarësinë e gjyqësorit, sigurinë ligjore dhe të drejtat e njeriut të izraelitëve. (A2 Televizion)