Në raundin e dytë të zgjedhjeve për liderin e partisë më të madhe të opozitës në Greqi, Syriza, rishtar politik Stefanos Kasselakis, një grek homogjen i ardhur nga SHBA, ka fituar bindshëm ndaj rivales së tij, Efi Ahtsioglou, një ish-ministre në qeverinë e viteve 2015 të të majtëve.
35-vjeçari Stefanos Kasselakis, një ish-bashkëpunëtor i “Goldman Sachs” dhe biznesmen i suksesshëm, ka kryer brenda një kohe të shkurtër një fushatë të shkëlqyeshme në rrjetet sociale, duke premtuar që t’i japë fund pushtetit të Demokracisë së Re.
Kandidatura e Kasselakis ndau mbështetësit e Syriza-s përpara votimit, shumë prej të cilëve thanë se profili i tij nuk i përshtatej të majtës tradicionale. Fitorja e tij ka tronditur edhe kundërshtarët e tij politikë, të cilët e shohin atë si një kërcënim.
“Nëse nuk do ta kisha njohur kapitalizmin nga brenda, nëse nuk do të kisha parë padrejtësinë e parave, mund të mos kisha qenë majtist”, ka deklaruar ai në Facebook para disa ditësh.
I martuar me infermierin Tyler Macbeth që nga viti 2019, Kasselakis ka thënë se: “populli grek është gati të ketë një kryeministër që është i aftë, i pakorruptueshëm, i padëmtuar dhe që ndodh të jetë homoseksual“. (A2 Televizion)
A2 CNN Livestream
MUND TE LEXONI GJITHASHTU
