Zlatan Elek është kryetari i ri i Listës Serbe, duke zëvendësuar Goran Rakiç. Ai u zgjodh gjatë një votimi të hapur në seancën e kuvendit të kësaj force politike të mbajtur në Veri të Kosovës.
Elek ushtron aktualisht detyrën e drejtorit të Qendrës Spitalore Klinike në Mitrovicën e Veriut. Lidhjet e tij me Serbinë janë tepër të ngushta, gjë e cila lë të kuptohet se thuajse nuk do të ketë asnjë ndryshim në politikat e Listës Serbe.
Elek ka marrë pjesë në një sërë tubimesh, përfshirë atë të nëntorit të vitit të kaluar, pas dorëheqjeve masive të serbeve në institucionet e Kosovës. Në një fjalim të mbajtur në atë manifestim, ai tha se “serbët po mbijetojnë falë mbështetjes së presidentit Aleksandër Vuçiç”.
Ai ka ndihmuar retorikën e Beogradit duke akuzuar kryeministrin Albin Kurti se nuk po lejon futjen e ilaçeve dhe se kjo po çon në një krizë humanitare.
Por, Ministria e Shëndetësisë e Kosovës e ka mohuar këtë pretendim. Ndryshimet në kryesinë e Listës Serbe, erdhën një muaj pas sulmit terrorist në Banjskë dhe dorëheqjes së agresorit Milan Radoiçiç nga posti i nënkryetarit. (A2 Televizion)
A2 CNN Livestream
MUND TE LEXONI GJITHASHTU
