Avokati mbrojtës i Sali Berishës, Genc Gjokutaj ka braktisur seancën gjyqësore në GJKKO që po mbahej në ngarkim të klientit të tij për të cilin është vendosur masa e sigurisë detyrim paraqitje dhe kufizim i lëvizjes jashtë vendit, në lidhje me dosjen e privatizimit të ish-kompleksit “Partizani”.
Gjokutaj tha përpara gazetarëve, se gjykata nuk pranoi që çështjen e masës ta çojë në Kushtetuese për mendim, teksa shtoi se ende nuk është njohur me aktet e saj.
“Kemi paraqitur një kërkesë për përjashtimin e gjyqtares dhe kemi kërkuar dhe procesverbalin. Kemi kërkuar që gjykata të na japë një kopje të akteve. Pa u njohur me aktet merr vendim për të vazhduar seancën. Ne kemi kërkuar që gjykata të çojë në Kushtetuese çështjen e kufizimit të lëvizjes. Gjykata duke qenë në dijeni të kërkesës për përjashtim mori vendim duke e rrëzuar dhe ne u larguam. Gjykata po përdor instrumente për të mos njohur aktet. Seanca e verifikimit të ekzekutimit rishikon atë të mëparshme. Ne nuk mund të jemi pjesë për sa kohë nuk jemi njohur me aktet”, tha Gjokutaj. (A2 Televizion)
A2 CNN Livestream
MUND TE LEXONI GJITHASHTU
