Mënyra se visheni për udhëtime ajrore nuk është vetëm një çështje estetike, por para së gjithash e komoditetit dhe optimizimit të kohës dhe procedurave të sigurisë.
Midis bizhuterive, këpucëve, fustaneve, xhaketave dhe parfumit, ja 7 gjërat që duhen shmangur me çdo kusht dhe alternativa më e duhur përkatëse.
1. Shmangni bizhuteritë e mëdha
Bizhuteritë dhe xhinglat metalike do t'ju ngadalësojnë në procedurat e sigurisë, veçanërisht nëse ato nuk hiqen shpejt. Më mirë t'i mbani ato në bagazhin tuaj të dorës.
2. Jo veshjeve të ngushta
Qofshin ato pantallona, funde, xhaketa apo këmisha, shmangni veshjet e ngushta për një arsye të thjeshtë, sepse duke u ngjitur në lartësi të mëdha trupi fryhet dhe rrobat e ngushta parandalojnë qarkullimin e duhur të gjakut dhe lëngjeve.
3. Zgjidhni me kujdes reçipetat
Nuk ka asgjë më të keqe sesa të ndjeni dhimbje të shpatullave ose ngushtim gjoksi kur jeni ulur në avion. Zgjidhni një palë reçipeta sportive pa tela.
4. Shmangni pantallonat e shkurtra dhe minifundet
Për tre arsye; do të ftoheni në ajër të kondicionuar në avion, do të keni kontakt me lëkurën me shumë sipërfaqe që mund të mos dëshironi t'i prekni dhe nuk këshillohet të mos jeni të mbuluar në rast të një zjarri apo evakuimi.
5. Mos e teproni me parfumin
Kur jeni në avion, ju e ndani ajrin me shumë njerëz. Ajo që është e këndshme për ju mund të jetë torturë për të tjerët, si dhe një problem për ata që vuajnë nga astma ose probleme të frymëmarrjes. Kufizoni përdorimin e parfumit.
6. Jo takave të larta dhe flip-flop
Kjo ka të bëjë me sigurinë. Të dyja si takat dhe flip-flop mund t'ju ngadalësojnë, si në rast urgjence, ashtu edhe nëse jeni vonë për fluturimin tuaj dhe keni nevojë të përshpejtoni ritmin për të mos e humbur atë.
7. Lërini xhaketat e mëdha në shtëpi
Duke i veshur, ato do të pengonin lëvizjet tuaja dhe do t'u kufizonin hapësirën jetësore atyre që ulen pranë jush. Lërini në shtëpi dhe zgjidhni diçka më të menaxhueshme. (A2 Televizion)
A2 CNN Livestream
MUND TE LEXONI GJITHASHTU
