Gjykata e Posaçme e Apelit ka lënë në fuqi vendimin e shkallës së parë për të konfiskuar 3,4 milionë eurot e gjetura në dy makina “Toyota” në vitin 2018.
Konfiskimi pasuror u bazua në ligjin Antimafia në një proces të pavarur nga ai penal dhe prokurorët e SPAK argumentuan se zotëruesit nuk i justifikonin këto pasuri në burime të ligjshme.
Pas gjetjes së tyre në Durrës, ish-Prokuroria për Krimet e Rënda ngriti dyshime për një grup kriminal që pastronte para. Për çështjen, u shpallën në kërkim vëllezërit Ervis dhe Alfred Vladi, ndërsa u arrestuan katër të tjerë, që u liruan në janar 2020.
Pas zbulimit të shumës së eurove në vitin 2018, fillimisht të gjithë u hetuan për pastrim parash dhe grup i strukturuar kriminal, por Gjykata dënoi vetëm Vladin si pronar të vetëm të shumës së parave, për mosdeklarim të të ardhurave në kufi. Për shkak të gjykimit të shkurtuar, ai u dënua me një vit burg.
Për dosjen, prokurorët belgë të mbërritur në Tiranë morën në pyetje dhe ish-kryetarin e Partisë Demokratike, Lulzim Basha, i cili dha shpjegime për deklaratën e tij në Kuvend, ku paralajmëroi mbërritjen e një sasie të madhe parash. Që prej vitit 2018, autoritetet belge kanë bërë tre pyetje specifike kryedemokratit, se si e mori vesh informacionin, kush ia dha dhe nëse ka ndonjë të dhënë tjetër lidhur me këtë çështje.
Për këtë deklaratë, hetuesit belgë sollën një letër-porosi për prokurorinë e Posaçme në të cilat kërkonin marrjen në pyetje te tij kjo edhe pasi deklaratat për mbërritjen e shumës së parave, u konfirmuan tri ditë më pas në portin e Durrësit, ku dhe u sekuestruan. Autoritetet belge gjithashtu kërkuan të dinë nëse ekziston një dosje me dëshminë e Lulzim Bashës dhe nëse do t’i vendoset në dispozicion një kopje. Kjo pasi ish-kreu i PD-së është pyetur edhe më parë në lidhje me ngjarjen nga Prokuroria e Tiranës në tetor të vitit 2018 por akuza arkivoi dosjen duke mos marrë asnjë vendim për të. (A2 Televizion)
A2 CNN Livestream
MUND TE LEXONI GJITHASHTU
