Me mijëra u mblodhën pasditen e së martës në Maqedoninë e Veriut në nder të 59 personave që humbën jetën në zjarrin që ra në një klub nate gjatë fundjavës.
Në Shkup, njerëzit u mblodhën në sheshin kryesor dhe ndezën blicet në celularët e tyre për 16 minuta rresht, duke simbolizuar kështu datën kur ndodhi tragjedia, 16 mars.
Qindra të tjerë u mblodhën në sheshin kryesor të Koçanit për lutje. Tullumbacë të zinj u lëshuan në qiellin e natës.
Qytetarët mbanin në duar fotografi të njerëzve të tyre të dashur dhe të atyre që u përfshinë në operacionin e shpëtimit, e të tjerë ndezën qirinj.
Zjarri ra në një klub nate në Koçan, të dielën rreth orës, 03.00 të mëngjesit.
Zyrtarët në vend thanë se klubi i natës "Pulse", kishte një leje të siguruar ilegalisht dhe se ambientet e godinës nuk ishin të pajisura me fikse zjarri apo dalje emergjence. (A2 Televizion)
A2 CNN Livestream
MUND TE LEXONI GJITHASHTU
