Parisi po përgatitet për Lojërat Olimpike Verore, por ngjarjet sportive nuk janë të vetmet ngjarje të zhurmshme që po ndodhin në kryeqytetin francez. Dizajnerët e modës u mblodhën në qytet për koleksionet e veshjeve për meshkuj, pranverë-verë 2025, por asgjë nuk ishte si zakonisht.
Përveç veshjeve, nuk mungonin mesazhet që çdo stilist apo artist ishte përpjekur të përcillte. A$AP Rocky, p.sh debutoi me linjën tij AWGE, e cila u lançua në fillim të këtij viti, duke e quajtur prezantimin "Sabotazh Amerikan". Të ftuarit mbanin të gjithë një shenjë kundër luftës dhe ëmbëlsira që ngjanin me armë. Në pistë, modelet marshuan me kokat e mbuluara nga flamujt amerikanë dhe mbanin slogane me thirrje të ndryshme. Reperi Asap deklaroi se firma e tij është "më shumë se thjesht një markë, është një lëvizje".
Shtëpitë e famshme të modës këtë vit kishin përzgjedhur të risillnin modën delikatë të oborrit të ish-monarkisë franceze. Gjithashtu, u pa se dominonin ngjyrat e forta, veshjet e gjera, si dhe materialet e tylit, linosë, mëndafshit dhe detajet e shumta florale. (A2 Televizion)
A2 CNN Livestream
MUND TE LEXONI GJITHASHTU
