Ditët e Granit Xhakës tek Arsenal duket se janë të numëruara. Nga kapiten i ekipit, mesfushori me origjinë shqiptare nuk është më në planet e klubit londinez.
Madje sipas “The Mirror”, drejtuesit po mendojnë ta kthejnë mbrapsht te Borussia Monchengladbach që në janar, në përpjekje për të marrë një tjetër lojtar të Zvicrës, Denis Zakaria, i cili luan me skuadrën gjermane.
Xhaka nuk ka luajtur më për Arsenal që prej 27 tetorit, kur ofendoi tifozët pasi e vërshëllyen. Trajneri Unai Emery po mendon të ofrojë Xhakën për të marrë Zakarian, i cili këtë sezon ka shkëlqyer për klubin gjerman, prej nga ku Xhaka u largua në vitin 2016 për rreth 30 milionë paund.
Zakaria luan në një përfaqësuese me Xhakën. 22-vjeçari ka zhvilluar deri tani 22 ndeshje, ndërsa Xhaka 78. Rikthimi në Gjermani mund t’i përshtatet Xhakës, edhe pse për të janë interesuar Milan dhe Newcastle. (A2 Televizion)
A2 CNN Livestream
MUND TE LEXONI GJITHASHTU
