Kandidati për kryetar të Partisë Demokratike, Lulzim Basha ka reaguar sot në lidhje me ndryshimet e fundit në qeveri, ku pas shkarkimi të Bledi Çuçit, postin e ministrit të Brendshëm e mori Taulant Balla.
Sipas Bashës, ngjarje se ajo e Fushë – Krujës nuk mund të kalojnë thjesht me rokadë emrash, pasi sipas tij ngjarje të tilla nuk janë raste të izoluara, ku të pushtetshmit e Edi Ramës, sikurse e cilësoi ai, dhunojnë qytetarët, familjet, bizneset, gazetarët dhe opozitarët.
“Ngjarja e Fushë Krujës nuk mund të kalojë thjesht dhe vetëm me rokadë emrash. Ajo nuk është një rast i izoluar, të tilla ka përditë, ku me arrogancë të pushtetshmit e Edi Ramës dhunojnë qytetarët, familjet, bizneset, gazetarët dhe opozitarët. Por dhunuesi më i madh prej vitesh është vetë qeveria e ndërtuar mbi lidhjet e saj me krimin i cili sot e kontrollon kokë e këmbë.
Për sa kohë Edi Rama, njeriu që përfaqëson, lidh dhe mbron interesat e krimit dhe oligarkisë do ta drejtojë qeverinë, ngjarje të tilla do të vijojnë të jenë të përditshme, pjesa më e madhe fatkeqësisht jashtë vëmendjes mediatike. Largimi i Çuçit dhe ardhja e Ballës nuk ndryshon asgjë veç radhës së mbrojtjes së interesave të klaneve dhe grupeve kriminale.
Shqipëria nuk mund të vazhdojë të mbetet në duart e klaneve kriminale. Prandaj është jetike ndarja e politikës nga krimi, lufta kundër korrupsionit dhe vetingu i politikanëve. Vetëm kështu parlamenti dhe qeverisja do të pastrohen dhe kthehen në shërbim dhe jo dhunim të qytetarëve.” (A2 Televizion)
Reagimi i Lulzim Bashës
A2 CNN Livestream
MUND TE LEXONI GJITHASHTU
