Kryetari i Partisë Demokratike, Lulzim Basha vijon takimet në ditën e dytë të vizitës në Kosovë.
Kreu demokrat u takua me kryetarin e Komunës së Prishtinës, Shpend Ahmeti, ku diskutuan nevojën e bashkërendimit mes Tiranës dhe Prishtinës dhe të mos merren iniciativa të njëanshme.
“Qëllimi i vizitës në Prishtinë është që bashkërendimi mes dy vendeve tona të jetë i plotë, i sinqertë dhe në funksion të mbështetjes së institucioneve të Kosovës. Ky është shërbimi më i mirë që mund të bëjë Tirana, larg protagonizmit të pavend dhe iniciativa të pakonsultuara që kanë sjellë dëme”, tha Basha. (A2 Televizion)