Beqiri në delir, boksieri në gjysmëfinale, siguron medaljen e bronzit në Botëror

Alban Beqiri preku sot në Beograd qiellin e shtatë, pasi është zyrtarisht në gjysmëfinalet e Kampionatit Botëror për Amatorë që po zhvillohet në Serbi, duke siguruar të paktën një medalje bronzi.

Boksieri pukjan mposhti në çerekfinale jordanezin Zejad Ishaish në duelin e peshave 67-71 kg, duke fituar me rezultatin 4-1, duke treguar superioritet të theksuar në teknikë ndaj një kundërshtari që kishte mundur dy herë kampionin olimpik, kubanin Sotolongo.

 Kjo ishte fitorja e katërt e Beqirit, i cili është pjesë e skuadrës së Tiranës. Më parë, shqiptari kishte fituar edhe kundër Maina nga Kenia Banis nga Lituania dhe Chambers nga Panamaja.

Luftëtari kuqezi mban edhe brezin e kampionit të Ballkanit dhe shpreson që me këtë sukses që tani historik për boksin shqiptar, ta vazhdojë karrierën  edhe në arenën më të rëndësishme ndërkombëtare. (A2 Televizion)