Besimtarët e krishterë në Shqipëri dhe në mbarë botën festojnë sot Krishtlindjen. Në Katedralen Ortodokse të Tiranës, “Ngjallja e Krishtit”, po mbahet mesha e Krishtlindjes. Edhe këtë vit, numri i besimtarëve që marrin pjesë në këtë meshë nuk është i shumtë për shkak të pandemisë së koronavirusit, duke respektuar distancimin social.
Në mesnatë është mbajtur edhe mesha e besimtarëve katolikë në katedralen Shën Pali në Tiranë.
Nuk ka munguar edhe këtë vit mesazhi i Mons. Dom Gjergj Meta, Ipeshkëv i Rrëshenit, për Krishtlindje. Krishtlindja na jep një mesazh shumë të bukur, thotë ai, kurajë dhe shpresë.
“Dëshiroj t’i uroj Krishtlindjen secilit nga ju. Krishtlindja është hyrja e Zotit në historinë e botës, në historinë e njerëzimit, në historinë e secilit prej nesh. Zoti hyn në historinë e atyre njerëzve apo situatave që janë të rënduara nga jeta. Krishtlindja na jep një mesazh shumë të bukur: Kurajë dhe shpresë. Zoti është me ne, sidomos në momentet më të errëta. Ju uroj të gjithëve shumë dritë në këto kohë Krishtlindjes. Zoti ju bekoftë! Gëzuar Krishtlindjet!”.
Mbrëmjen e së premtes, përmes një postimi në rrjetet sociale, presidenti Ilir Meta ka uruar të gjithë shqiptarët dhe në veçanti besimtarët e krishterë për festën e Krishtlindjesh.
Për presidentin Meta, kjo festë ndan mesazhin e përjetshëm të dashurisë dhe na bën të zgjasim dorën me përulësi atyre që kanë nevojë për përkrahje dhe mbështetje materiale dhe shpirtërore.
A2 CNN uron besimtarët gëzuar Krishtlindjen! (A2 Televizion)
A2 CNN Livestream
MUND TE LEXONI GJITHASHTU
