Presidenti i zgjedhur amerikan, Joe Biden, emëroi John Kerry-n si të dërguarin e posaçëm për klimën, duke theksuar përkushtimin e tij për të luftuar krizën globale, në kontrast me mungesën e lidershipit të Trump sa i përket kësaj çështjeje.
Kerry, i cili ka qenë sekretar i shtetit gjatë udhëheqjes Obama do të jetë zyrtar i lartë i kabinetit e do të ketë nje vend në Këshillin Kombëtar të Sigurisë.
Sipas ekipit të Biden për tranzicionin, kjo është hera e parë që Këshilli Kombëtar i Sigurisë përfshin një zyrtar dedikuar ndryshimeve klimatike, diçka që sugjeron angazhimin e presidentit të zgjedhur lidhur me çështjen.
Pas konfirmimit në këtë rol të martën, Kerri, tha se marrëveshja klimatike e Parisit, e firmosur prej tij gjatë presidencës së Obamas, nuk do të ishte e mjaftueshme për të frenuar ngrohjen globale. (A2 Televizion)
A2 CNN Livestream
MUND TE LEXONI GJITHASHTU
