Biznesi i kërkon doganave që të mos aplikojnë referencat, por të zbatojnë ligjin, pasi kostot për ta janë të mëdha.
Në tryezë me drejtoreshën e doganave, Belinda Ikonomi ata kanë paraqitur shqetësimet e tyre, që edhe pse të zgjidhura ligjërisht, në praktikë ekzistojnë ende.
Drejtoresha e Doganave i njohu bizneset e Dhomës Amerikane të Tregtisë me lehtësitë që do të ndërmerren, si rishikimi i kritereve për kanalin blu dhe jeshil, për t’i dhënë mundësinë më shumë subjekteve që të përfitojnë nga lehtësitë e kontrolleve doganore.
Brenda këtij viti, pritet që në këto dy kanale të kalojnë 30% e të gjitha deklaratave doganore. (A2 Televizion)
