U mendua se nuk do të shitej kurrë, me pasazhet operistike dhe tekstin për Galileon e Scaramouche, por Bohemian Rapsody, e grupit legjendar Queen u bë kënga më e transmetuar shekullit XX.
E promovuar së fundmi nga filmi me të njëjtin titull, "Bohemian Rhapsody”, kënga dhe videoja muzikore e vitit 1975, tejkaloi të hënën rekordin e “Smells Like Teen Spirit” të Nirvanave dhe “Sweet Child O'Mine” të Guns N’ Roses , duke u transmetuar më shumë se 1,6 miliardë herë.
"Bohemian Rhapsody" ku lideri i grupit Freddie Mercury, intepretohet nga Rami Malek, e solli muzikën e bandës britanike të rokut, tek brezi i ri. 5 javë pas shfaqjes, ai u bë muzikali i tretë biografik më me shumë arkëtime, duke grumbulluar plot 600 milion dollarë.
Perfomanca në rolin e Merkurit, i dhuroi Malek kandidaturën për Globin të Artë. Pritet që aktori të jetë pretendent edhe për Çmimin Oskar, në ceremoninë që do të mbahet në janar. (A2 Televizion)
A2 CNN Livestream
MUND TE LEXONI GJITHASHTU
