Bolsonaro sfidon sërish rregullat, presidenti i Brazilit heq maskën dhe takon mbështetësit

Presidenti i Brazilit, Jair Bolsonaro, vijon të sfidojë rregullat e këshilluara për të luftuar përhapjen e pandemisë.

Kreu i shtetit hoqi maskën, teksa përshëndeti mbështetësit e tij në Brazilia, disa ditë pasi u shërua nga Covid-19, infeksion i cili, sipas tij, nuk i solli ndikim serioz shëndetësor.

Në fillim të këtij muaji, Bolsonaro rezultoi pozitiv dhe u vetëkarantinua në rezidencën e tij. Këtë të shtunë, lideri i ekstremit të djathtë njoftoi se e mposhti virusin.

Ndërkohë, Brazili renditet si vendi i dytë më i prekur në botë, pas Shteteve të Bashkuara dhe Bolsonaro është kritikuar shpesh për keqmenaxhimin e pandemisë. Ky shtet numëron më shumë se 2,4 milionë të infektuar dhe 87 mijë viktima. (A2 Televizion)