Një hetim i pavarur publik për trajtimin e pandemisë së koronavirusit do të nisë në pranverën e vitit 2022. Lajmin e ka dhënë kryeministri Boris Johnson para deputetëve gjatë një fjalimi në Dhomën e Ulët të Parlamentit.
Ai tha se qeveria do të nisë një konsultë mbi termat e saj të referencës.
Z. Johnson tha “ne duhet të nxjerrim mësime” dhe se administratat e Mbretërisë së Bashkuar do të konsultoheshin për hetimin.
Lideri laburist Sir Keir Starmer i kërkoi qeverisë që të konsultohet me familjet e prekura në momentin më të hershëm.
Një ditë më parë kryeministri britanik njoftoi disa nga masat lehtësuese të pandemisë së koronavirusit, ndërkohë që Britania e Madhe është vendi me më shumë të vaksinuar në Evropë, ndërsa numri i rasteve dhe vdekjeve është ulur ndjeshëm. (A2 Televizion)
A2 CNN Livestream
MUND TE LEXONI GJITHASHTU
