Komisioneri Shtetëror i Zgjedhjeve, Ilirjan Celibashi, deklaroi se KQZ-ja do të veprojë në përputhje të plotë me ligjin për listat e Partisë Demokratike. Ai nuk përjashtoi mundësinë që partia më e madhe opozitare të mos regjistrohet në zgjedhjet e 14 majit, teksa apeloi për gjetjen e një zgjidhjeje. Në konferencën me gazetarët, Celibashi tha se nuk vendos KQZ-ja se kush e udhëheq PD-në.
“Kjo vendimmarrje do të jetë në respekt të ligjit dhe në përputhje të plotë me ligjin. Nuk është çështja ime sesi është ligji, apo si është situata politike. Ka të tjerë që duhet të themi të vrasin mendjen për këtë dhe jo KQZ-ja, se është një proces që implikon dhe një organ tjetër të KQZ-së. Një gjë është e sigurt se kërkesa si për rastin e komisionerëve dhe subjekteve zgjedhore do të vlerësohet sipas ligjit. Ne nuk vendosim se kush e udhëheq PD-në. Për ne ka një Parti Demokratike, mbetet për t’u parë se kush e ka tagrin për të vepruar në emër dhe llogari të saj. Dikush thotë e ka Berisha, dikush thotë Alibeaj do të ishte mirë që çështja të ishte zgjidhur dhe të zgjidhet pasi flasim për interes publik të dorës së parë, pasi flitet për partinë kryesore e opozitës. Sa nuk është vonë, gjithkush që mund të kontribuojë në zgjidhjen e kësaj situate. Ne jemi dora e fundit, tejet çdolloj interesi, presioni këtu është kot sepse vendimmarrja jonë do të jetë në përputhje me ligjin. Është e kotë që të ndikojnë që kjo vendimmarrje të jetë për njërin ose tjetrin. Në fund të fundit, do të vendoset siç e ka parashikuar ligji, gjithkush të japë kontributin e vet që kjo çështje të zgjidhet ashtu siç duhet, nuk është KQZ-ja që vendos për çështje që nuk i ka kompetencë. Do të duhet të angazhoheni për të gjetur një zgjidhje, s’mund të bëjmë sikur s’po ndodh asgjë, pasi partia kryesore e opozitës mund të mos regjistrohet. Nuk mund ta injorojmë këtë”. (A2 Televizion)
Ilirjan Celibashi
A2 CNN Livestream
MUND TE LEXONI GJITHASHTU
