Cristiano Ronaldo “shuan” zërat: Historia ime me Realin është shkruar

Nga A2 CNN
17 Gusht 2021, 21:24 | Futboll
Cristiano Ronaldo “shuan” zërat: Historia ime me Realin

Cristiano Ronaldo, me anë të një postimi të gjatë në rrjetet sociale, ka vendosur që të “shuajë” zërat e merkatos që e rrethojnë.

“Duke parë atë që është shkruar së fundmi për mua, duhet të sqaroj pozicionin tim. Më shumë se mungesë respekti ndaj meje si njeri dhe futbollist, mënyra se si përshkruhet e ardhmja ime nëpër media është mungesë respekti për të gjithë klubet e përfshira në këto thashetheme”, shkruan CR7.

Më tej, portugezi nënvizoi: “Historia ime te Real Madrid është shkruar, me fjalë dhe numra, me trofe dhe tituj. Është në muzeun e stadiumit “Santiago Bernabeu” dhe në mendjen e tifozëve… Ka pasur edhe lajme që më kanë lidhur me klube të tjera, jashtë Spanjës, dhe askush nuk është interesuar për të gjetur se si qëndron e vërteta. Po thyej heshtjen tani për të thënë që nuk do të lejoj njerëzit që të luajnë me emrin tim. Unë mbetem i përqendruar në karrierën time, në punën time, i angazhuar për sfidat që më presin. Të tjerat? Të tjerat janë vetëm fjalë”. (A2 Televizion)

https://www.instagram.com/p/CSr6U6agU4_/

A2 CNN Livestream

Latest Videos