Dhuna tronditëse që karakterizoi ndeshjen Nice-Marseille po hetohet në mënyrë paralele nga Prokuroria, por edhe nga Liga e Futbollit Profesionist. Hetimi i dyfishtë lidhet në njërën anë për të evidentuar përgjegjësit e ngjarjes turpëruese, siç është cilësuar gjerësisht në Francë, edhe pse për momentin nuk ka asnjë të arrestuar.
Në anën tjetër, në hetimin e Ligës Profesioniste janë përfshirë të dy klubet, që do të shfaqen përpara Komisionit të Disiplinës këtë të mërkurë. Për më tepër, Liga Franceze e Futbollit shpjegoi se do të ndërmarrë edhe masa ligjore kundër atyre që nxitën dhunën.
Ndërkohë, si për t’i paraprirë masave ndëshkuese të autoriteteve sportive, Prefekti i Alpeve Maritime vendosi “të mbyllë për katër ndeshjet e radhës Tribunën Jugore të stadiumit”, pikërisht sektorin ku janë të akomoduar tifozët ultras të Nice dhe vendin ku u regjistrua dhuna në ndeshjen me Marseille.
Prefekti kërkoi gjithashtu që në këtë pjesë të stadiumit të vendoset urgjentisht një rrjetë, e cila do të ndalojë hedhjen e sendeve në fushë, por që shërben edhe për të evituar zbritjen e tifozëve në terrenin e lojës.
Sikur kjo të mos mjaftonte, personat që do të shpallen përgjegjës për dhunën do të përjashtohen nga stadiumet, teksa në rrethinat e Nice është ndaluar një 28-vjeçar, i cili dyshohet se ka goditur futbollistët e Marseille. (A2 Televizion)
A2 CNN Livestream
MUND TE LEXONI GJITHASHTU
