Ballokumet kanë nisur të përgatiten shumë më herët, ditët dhe mbrëmjet muzikore po ashtu, panairi i zejeve, Elbasani në penel, sofra elbasanase, por më së shumti edhe festivali i ballokumes janë të gjitha kryefjalë të një feste që thërret natyrën të gjallërojë.
Elbasani më shumë se gëzon qytetarët e vet, këtë ditë të festën pagane mirëpret edhe vizitorë që e duam atmosferën e ditës së verës.
Verore, vezë, kulaç e këngë. Kështu është pritur në Kolonjë Dita e Verës. Mes buzëqeshjes së shumë fëmijëve, gatimeve tradicionale të kësaj feste, zjarreve dhe këngëve në sheshin "Rilindja", festa për gjallërimin e natyrës ka marrë jetë edhe këtu.
Kryebashkiaku Erion Isai tregon se dëshiron që këtë vit të organizojë 24 festa në Kolonjë, me qëllim promovimin e turizmit.
Festimet për këtë ditë jehuan edhe në qytetin që renditet mes pasurive botërore, në Gjirokastër dhe jo vetëm në zonën muzeale, por edhe në parkun e Viroit.
Atmosfera festive do vijoje deri në orët e vona të mbrëmjes në pazarin karakteristik ku do të performohet muzikë live dhe ku festa do të vijojë në kalldrëmin karakteristik. (A2 Televizion)
A2 CNN Livestream
MUND TE LEXONI GJITHASHTU
