Dua Lipa duket që po shijon çdo moment të vizitës së saj në Shqipëri. Të dielën, këngëtarja me famë botërore ka postuar në Instagram fotografi të tjera nga vizita në Krujë, por edhe çaste të tjera nga udhëtimi bashkë me familjen dhe të dashurin e saj Anwar Hadid.
Foto kryesore e postimit të saj është edhe poza me duart në formë shqiponje brenda muzeut të Skendërbeut në Krujë, pikërisht para shpatës dhe helmetës së Heroit tonë Kombëtar, të ekspozuara aty.
Pas Krujës, duket se Dua me familjen kanë zbritur në bregdet, ku po shijojnë plazhin e mrekullueshëm dhe ushqimet speciale.
Ylli i popit erdhi në Shqipëri, për të parë nga afër procesin e ndërtimit të një kopshti për fëmijë. Kopshti po ndërtohet nga Sunny Hill Foundation, një fondacion i krijuar nga Dua i cili përqendrohet te kontributet në Kosovë dhe Shqipëri në aspekte të ndryshme, veçanërisht në art dhe kulturë. (A2 Televizion)
A2 CNN Livestream
MUND TE LEXONI GJITHASHTU
