Karantina ka ndryshuar thuajse plotësisht jetën e njerëzve në mbarë botën. Një prej shqetësimeve më të mëdha në këtë periudhë kufizimesh, lidhet edhe me pamjen e jashtme. Kjo nuk vlen vetëm për njerëzit e zakonshëm, por edhe për krerët e shteteve.
Anën njerëzore të ndryshimit të zakoneve e tregoi edhe Presidenti italian, Sergio Mattarella. Në një video, e cila duhej të shërbente si mesazh për popullin e tij në këto momente vuajtjesh të mëdha, zyra e shtypit bëri një gabim të paprecedentë, duke e publikuar videon të paedituar. Në mesazh ishin momentet kur Presidenti ngecte dhe përgjigjja e tij kur stafi i kërkoi të rregullonte paksa flokët: “Eh, Giovanni, as unë nuk shkoj te berberi”.
Vështirësia për t’i dhënë mesazhe popullit në këto ditë të vështira nuk diskutohet dhe lodhja bën të vetën: “Giovanni, të lutem, qëndro në një vend. Nëse ti lëviz, unë të ndjek dhe shpërqendrohem”.
Një president që ndjen peshën e përgjegjësisë për të drejtuar vendin drejt furtunës së shkaktuar nga koronavirusi, por që ashtu si të gjithë, nuk mund të dalë nga shtëpia për të prerë flokët. (A2 Televizion)
A2 CNN Livestream
MUND TE LEXONI GJITHASHTU
