Burime nga spitali i Durrësit për A2 bëjnë me dije se një efektiv i Policisë së Rendit është prekur nga virusi i Covid-19.
Bëhet fjalë për Shefin e personelit pranë Drejtorisë së Policisë së Durrësit, i cili është dërguar për trajtim të mëtejshëm në Spitalin Infektiv. Konfirmimi për këtë rast pritet të bëhet në konferencën për shtyp të Ministrisë së Shëndetësisë.
Sipas burimeve, efektivi i policisë ka qenë në krye të detyrës përgjatë ditëve të gatishmërisë së shtuar.
Deri tani në qarkun e Durrësit janë raportuar 8 persona të prekur nga koronavirusi, një prej të cilëve ka humbur jetën. (A2 Televizion)
A2 CNN Livestream
MUND TE LEXONI GJITHASHTU
