Interi ka arritur të marrë një fitore të pastër 0-2 në ndeshjen e parë ndaj Ludogorets në Bullgari, duke bërë një hap të sigurt drejt fazës së ardhshme të Europa League.
Me shumë mungesa në formacion, Eriksen ishte ai që zhblloi rezultatin në këtë ndeshje, duke realizuar edhe golin e parë me skuadrën e Interit. Në fundin e ndeshjes, Lukaku ktheu në gol një 11-metërsh, duke e vulosur rezultatin në 0-2.
Manchester United nuk arriti të merrte më shumë se nja barazim 1-1 në transfertë ndaj skuadrës belge të Brugge.
Vendasit kaluan të parët në avantazh në këtë sfidë, pas një dalje të gabuar të portierit të United, ndërsa për “Djajtë e Kuq” realizoi Martial. Megjithatë, për United tashmë do të jetë më e lehtë ndeshja e ardhshme pasi do të luajë në fushës e tij. (A2 Televizion)
