Fotografitë duken si një skenë nga filmat fantashkencë: qentë-robotë duke patrulluar kufirin SHBA-Meksikë. Në një terren të vështirë, këta robotë punojnë për zhdukjen e kontrabandës.
Por, këto fotografi janë të vërteta. Departamenti i Sigurisë Kombëtare i ka postuar, së bashku me detaje mbi testimet dhe teknologjinë.
Zyrtarët amerikanë thonë se robotët janë një ndihmë për agjentët kufitarë, duke ulur rrezikun e ekspozimit ndaj rreziqeve të ndryshme gjatë punës së tyre.
Ghost Robotics, kompania nga Filadelfia që ka ndërtuar këta robotë, thotë se është munduar “që të ndihmojë sa më shumë në kuadër të sigurisë kombëtare”.
Atyre që këto pajisje u duken të frikshme, CEO i Ghost Robotics, Jiren Parikh, thotë se nuk kanë fare lidhje me robotët që kanë parë nëpër filma apo seriale.
“Është vetëm një kompjuter me bateri që lëviz me 4 këmbë. Brenda 4 orëve i mbaron bateria. Nuk ka asnjë shans që të pushtojnë botën. Përveç kësaj, bëhet fjalë për një robot që kontrollohet me telekomandë nga njeriu”, shprehet Parikh.
Zëdhënësi i Sigurisë Kombëtare tha për CNN se projekti është ende në fazë zhvillimi dhe nuk ka një datë të caktuar se kur do të lëshohen në terren qentë-robotë. (A2 Televizion)
A2 CNN Livestream
MUND TE LEXONI GJITHASHTU
