Kombëtarja shqiptare do të zbresë mbrëmjen e sotme në fushën e Arenës Kombëtare ndaj Polonisë pa shtyllën e mbrojtjes, Berat Gjimshitin, i cili u dëmtua në transfertën hungareze.
Një ditë më parë, mbrojtësi u operua me sukses në krah, ndërsa me anë të një postimi në rrjetet sociale, Gjimshiti uron shokët e tij të skuadrës në prag të sfidës vendimtare të këtyre eliminatoreve, teksa shfaqet me krahun në allçi.
“Ju falimenderoj të gjithëve për mbështetjen në ditët e fundit. Operacioni ishte i suksesshëm dhe do të kthehem sa më shpejt në fushë. Sonte do të bëj tifo nga shtëpia dhe i uroj shumë fat shokëve të skuadrës”, shkruan Gjimshiti në Instagram. (A2 Televizion)
A2 CNN Livestream
MUND TE LEXONI GJITHASHTU
