“Një familje, një strehë” është nisma e ndërmarrë nga aktivistja Edlira Gjoni, e cila synon t’u vijë në ndihmë personave të prekur nga tërmeti i 26 nëntorit.
Gjoni vendosi të ndihmojë një familje me 5 anëtarë në Kullas Ishëm, duke i ndërtuar atyre shtëpinë. Në A2 ajo u shpreh se nëse secili prej nesh do të ndihmonte një person ose një familje, misioni do të ishte i krye për të ndihmuar banorët e prekur nga tërmeti.
Edlira Gjoni kritikoi qeverinë për strehimin e banorëve, shtëpitë e të cilëve janë të dëmtuara nga tërmeti, larg banesave të tyre. “Një familje në ato zona nuk mund t’u thuash që të ikin nga banesat e tyre. Kjo është një shkelje e të drejtës themelore të njeriut”, tha Gjoni.
Gjoni bëri thirrje që puna të fillojë menjëherë. “Nuk ka kohë për të humbur. Nuk mund të presim më. Nuk e kuptoj se çfarë është gjendja e jashtëzakonshme, nëse nuk është të marrësh vendime që njerëzit të shpëtojnë nga kjo situatë, jo me mbledhje, por duke filluar puna. Të hapim themelet!” (A2 Televizion)
A2 CNN Livestream
MUND TE LEXONI GJITHASHTU
