Disa kompani ajrore kanë raportuar probleme me shërbimet e mbështetjes përmes email-it dhe komunikimin me klientët, si pasojë e ndërprerjes globale të Microsoft. Kompanitë kanë publikuar njoftime në rrjetet sociale për të informuar pasagjerët mbi situatën.
Kompania indiane me kosto të ulët IndiGo bëri të ditur se shërbimet e saj të mbështetjes përmes email-it janë aktualisht të prekura dhe se mund të mos jetë në gjendje të marrë mesazhet e dërguara nga klientët. Për këtë arsye, ajo u ka kërkuar pasagjerëve të komunikojnë përmes faqes zyrtare të internetit ose aplikacionit të saj në telefon.
Edhe një tjetër kompani ajrore indiane me kosto të ulët, Akasa Air, njoftoi se shërbimet e saj të mbështetjes përmes email-it po përballen me vonesa.
Ndërkohë, kompania ajrore nga Afrika e Jugut, CemAir, deklaroi se po përjeton probleme në disa prej sistemeve të saj për shkak të ndërprerjes globale të Microsoft.
Megjithatë, asnjëra prej këtyre kompanive nuk ka raportuar ndërprerje apo anulime fluturimesh.
Kompania kombëtare ajrore e Indisë, Air India, tha se po monitoron nga afër situatën dhe se ka ridrejtuar komunikimin përmes email-it. Sipas saj, operacionet e fluturimeve vijojnë normalisht dhe aktualisht nuk ka asnjë ndikim në kanalet e komunikimit me klientët. (A2 Televizion)
A2 CNN Livestream
MUND TE LEXONI GJITHASHTU
