Cardi B pranoi akuzat për përfshirjen në dy sherre në një klub striptizmi, si pjesë e një marrëveshjeje me prokurorinë, që i mundëson asaj të shmangë një gjyq të mirëfilltë dhe mbase një dënim me burg.
Fituesja e çmimit Grammy, e lindur Belcalis Almanzar, u deklarua fajtore për sulm të shkallës së tretë dhe u dënua me 15 ditë shërbim në komunitet. Dhjetë akuza të tjera u hodhën poshtë.
“Kam marrë disa vendime të këqija në të kaluarën time, me të cilat nuk kam frikë të përballem dhe t'i pranoj”, tha muzikantja pas vendimit të gjykatës.
29-vjeçarja pranoi se kishte marrë pjesë në dy sulme ndaj punonjëseve të një klubi nate në Nju Jork në vitin 2018.
Sipas autoriteteve, përplasja erdhi pas një grindjeje mes Cardi B dhe dy motrave, njëra prej të cilave, ajo besonte se kishte një lidhje me bashkëshortin e saj, reperin Offset. (A2 Televizion)
A2 CNN Livestream
MUND TE LEXONI GJITHASHTU
