Pas një jave diskutimesh dhe replikash në distancë, Gjykata Sportive e Serie A vendosi t’i akordojë humbjen në tavolinë 3-0 ekipit të Napolit për mosparaqitje në ndeshjen ndaj Juventusit që ishte parashikuar të luhej më 4 tetor. Gjithashtu napoletanëve iu zbritet dhe një pikë në renditje.
Napoli nuk udhëtoi drejt Torinos javën e kaluar pasi autoritetet shëndetësor nuk e lejoi të dilte jashtë rajonit pasi 2 prej lojtarëve kishin rezultuar të prekur me koronavirus.
Pavarësisht këtij vendimi që pritet të vijojë dhe më tej polemikat, Seria A po përballet me një numër shumë të lartë futbollistësh të prekur me koronavirus, ku së fundmi është prekur dhe ylli i Juventusit, Cristiano Ronaldo dhe për këtë arsye vijimi i saj shpesh herë është kritikuar nga autoritete shëndetësore. (A2 Televizion)
A2 CNN Livestream
MUND TE LEXONI GJITHASHTU
