Quhet “ushqimi më i fortë në botë” dhe në fakt, ashtu është. Gatimi tradicional, ku përbërësi kryesor janë copa guri, të cilat skuqen në tigan, po tërheq gjithnjë e më shumë vëmendjen e përdoruesve në rrjetet sociale kineze.
Pasi gurët skuqen në vaj në nxehtësi të lartë, shoqëruar me erëza pikante, ata thithen për të përftuar të gjithë shijen. Gatimi e ka origjinën në provincën kineze Hubei. Në gjuhën vendase, gatimi quhet suodiu, që do të thotë “thith dhe pështy”.
Videot e njerëzve duke shijuar këtë gatim të çudishëm janë përhapur përgjatë javës së kaluar në platformat online në Kinë, ku shfaqen skena nga gatimi i kësaj pjate në rrugë, nga shitës ambulantë.
Ata hedhin gurët në tiganin e mbushur me vaj pikant, shtojnë salcë hudhrash e më pas i përziejnë gurët me shpejtësi duke shtuar edhe copëza speci djegës dhe hudhrash.
Gatimi shërbehet në kuti në madhësinë e një dore. Një racion kushton 16 yuan, ose 2,3 dollarë.
Në një video, klienti pyet: “A dëshiron të t’i kthej gurët pasi të kem mbaruar?”, ndërsa shitësi i përgjigjet: “Merri me vete në shtëpi, t’i kesh si suvenir”.
Sipas mediave lokale, suodiu besohet se është qindravjeçar dhe është kaluar brez pas brezi nga varkëtarët. Në kohët e vjetra, ata mund të ngecnin në mes të lumit dhe duke mos pasur ushqim tjetër, shpikën këtë pjatë me gurë dhe erëza.
(A2 Televizion)
A2 CNN Livestream
MUND TE LEXONI GJITHASHTU
