Hapja e negociatave, Barbullushi: Tani fillon puna reale për Shqipërinë

Odeta Barbullushi, këshilltare e Kryeministrit dhe koordinatore kombëtare për zonën ekonomike rajonale, në “Intervistë me Merita Haklaj” foli për hapjen e negociatave dhe punën që e pret tashmë vendin drejt anëtarësimit në BE.

Për Barbullushin, tashmë nis puna reale. “Negociatat finalizuan një përpjekje të madhe dhe të gjatë, ndërsa puna reale fillon tani sepse tani kemi të bëjmë me fillimin e shqyrtimit të legjislacionit tonë, të përputhshmërisë së legjislacionit me atë të BE-së. Ky është një proces transformues.

Me metodologjinë e re, e reja e kësaj metodologjie është që ta bëjë këtë proces të ketë një ndikim të mirëfilltë që të shihet edhe te qytetarët”, u shpreh këshilltarja e kryeministrit. (A2 Televizion)